robbik.net

Það er fáránlega skemmtilega mikið að gera hjá mér þessa dagana.

Ég labba í vinnuna á morgnana og rölti heim um kvöldið.

Þegar ég ætlaði að skjótast á bílnum mínum um daginn sá ég hvar ljósbrún könguló var búinn að spinna vef milli annars framdekksins og hjólaskálarinnar. Einhversstaðar verða þær að vera!

Í hádeginu í dag skrapp ég svo upp á höfða til að kaupa mér línuskauta. Keypti mér svarta Salomon skauta.

Þegar ég kom svo út á bílaplan áttaði ég mig á því að þeir pössuðu engan vegin við sansgráa Passatinn minn. Og fyrst ég var kominn svona langt út fyrir miðborgarsvæðið gat ég alveg eins skroppið í B&L.

Þar sem ég keypti þennan bíl:

Passat 1.8T árgerð 2003 – og svartur.

Og nei ég keyrði ekki upp í móa sérstaklega til að taka þessa mynd heldur lagði ég bílnum þarna meðan ég rúllaði mínum hvíta kúlurassi eftir strandlengju Grafarvogs.

Smekklegt með meiru.

Kyrrlátt kvöld og hitastigið lafir í -5° C.

Ég og Manfrotto, sem einnig er þrífótur [haha], skruppum upp að Hafravatni í heiðarlegri tilraun til að taka myndir af norðurljósum.

Norðurljósin létu ekki sitt eftir liggja en það er skaðræðislega erfitt að mynda þetta fyrirbæri.

Horft til Reykjavíkur

Norðurljós, því miður ekki nægilega skörp mynd. Gengur betur næst!

Það er sérlega notarlegt að standa einn upp við Hafravatn í kolniðamyrkri og stara til himins. Þetta er mín sálfræðimeðferð. Vonandi gengur mér bara betur að mynda næst!

Og ég er kominn tilbaka. Held að ég þurfi að breyta þessari síðu aðeins til að vekja bloggeldinn aftur.

En. Ég var í útlöndum. Það er alltaf gaman í útlöndum. Í þessari reisu fór ég meira að segja til þriggja landa. Flippaðast var þó að fara með lest frá Köben til Malmö. Ehemm.

Heimsótti Prag. Prag í Tékklandi einmitt. Þar er hægt að fá kristalla í massavís. Skemmtilegar þessar kristalbúllur út um allt sem voru að blasta danstónlist í víðóma græjum. Hvað er hentugra en að dansa í búð fullri af kristal.

Prag er frábær borg og ég mæli hiklaust með því að fólk heimsæki hana næst þegar það á leið hjá. Hvort sem maður er á rólegu rölti um Staré Město eða agndofa yfir Kostel Panny Marie Sněžné þá er borgin hrífandi og spennandi. Það er reyndar fáránlega mikið af gömlum konum í frökkum þarna og ljótum barnavögnum, en við hættum að taka eftir því eftir nokkrar klukkustundir.

Við tókum borgina með rólegheitum enda höfðum við nægan tíma. Á milli þess sem við borðuðum góðan mat og sötruðum gott vín og eðal mjöð röltum við um og skoðuðum mannfólk og byggingar. Á tímabili áttum við í vandræðum með að eyða peningunum okkar sem er ný lífsreynsla.

Hef ekki tíma fyrir meira blogg núna en hér eru fyrstu myndirnar.

---

Lífið er undarlegt. Ef ykkur finnst það ekki verð ég að biðja ykkur um að standa upp og draga djúpt að ykkur andann með hendur útréttar í láréttri stöðu. Ef ekkert gerist við það, engin hvað-í-fjandanum hugljómun, er alltaf hægt að reita af sér hárið, kúka á borðið og hoppa út um gluggann. Gerist ekki mikið undarlegra en það.

Það hefur svo ótrúlega margt gerst síðan ég bloggaði síðast að ég er að hugsa um að nefna ekki neitt af því. Nema þá kannski að við rokkum sem útileguspekúlantar og ég hélt magnaðast matarboð í gervallri veröldinni um síðustu helgi. Trompaði svo síðar um kvöldið.

Stundum væri ég til að í að blogga nafnlaust einhversstaðar.

Svaðilsögur af mér og vinum mínum, fjölskylduna, vinnuna og öllu því sem ber að nefna. Stundum dettur mér, þó ég segi sjálfur frá, snilldarsetningar og málsgreinar í hug um þessi málefni en vil ekki jinxa þessu hér.

Það var þó eitthvað sem ég ætlaði að tala um þegar ég byrjaði þessa færslu.

Núna er ég löngu búinn að gleyma því.

---

Get sýnt 2 myndir í staðinn. Allir vita, þá meina ég allir, að ég kann ekkert að spila golf. Samt er ég helvíti góður með prik í höndunum.Í hálf glataðri tilraun til að sýna getuleysi mitt í golfi (eins og myndin sýni það ekki fullvel sjálf óunnin) þá er þetta mín túlkun:

[Mynd vantar]

Svolítið eins og draumur.

Þessi mynd er tekin um verslunarmannahelgina þegar heilbrigðisfulltrúarnir í vinahópnum vildu ólmir fara í golf á Þverá.

Þverá.

Jæja, er að hugsa um að rölta út á leigu og reyna finna mér einhverja skemmtilega ræmu.

Þangað til síðar.

Jæja, hvað segi þið? Ha. Humm.

Hafi þið einhverntíman verið svo þreytt að ykkur langar mest til að kasta upp í næsta hentuga útskot. Sjáið rúmið ykkar í hyllingum. Svo leggst maður upp í rúm og getur ekki sofnað.

Einhverntíman lent í því?

Ekki ég heldur.

Ekki síðan í gærkveldi allavegana.

Set bara inn mynd. Engin listasmíði, á ekki zoom linsu, en skemmtilegt móment engu að síður. Annars fíla ég ekki fuglamyndir.

Held ég ætti bara að fara að sofa.