Það vekur athygli en kannski enga undrun að flestir leita að “baðherbergi” sem enda hér. Það má vera að ég bloggi of mikið um baðherbergi og það sem á sér gjarnan stað innan veggja þeirra. Næst kemur nafnið mitt og gælunöfn.

Einhverjir leita að “klósettpappír” á netinu þegar hann er búinn heima hjá þeim. Einnig hafa sumir slegið inn orðið “nakinn” og endað hér – en enginn virðist hafa slegið inn nakinn ásamt nafninu mínu. Undarlegt.

Nokkrir aðilar hafa verið orðnir langþreyttir á kjötmarkaðnum og leitað að “íslenskar hórur” ásamt “kviknakiní pottinum” og “pottinn youtube”. Hvað er skemmtilegra en að horfa á aðra í pottinum? Ekkert af þessu stendur samt á síðunni minni eins og fólk gúgglaði það.

Önnur orð t.d. “svissbotn”, “þröskuldur”, “spindikúlur” og “fyrstu skórnir” er eitthvað sem fróðleiksþyrstum netnotendum vantar handhæg svör við sem því miður finnast vart hér.