Það er margt sem jafnvel ég skil ekki í peningamálum þjóðarinnar og lánaveitungum á milli landa. Nú er ljóst að við ætlum að taka nokkrar trilljónir í lán.
Meðal þeirra sem ætla lána okkur eru Bretar og Hollendingar, auðsæilega vegna skulda Icesave. Þannig að þessar þjóðir lána okkur X milljarða sem við skuldum þeim. Hvernig getur einhver verið betur settur eftir það!?
Ef við tækjum okkur til og færum á barinn og þú lánaðir mér 1.200 íslenskar krónur fyrir einum bjór, til þess eins að komast að því að ég neitaði að borga þér tilbaka, myndir þú lána mér aðrar 1.200 íslenskar krónur svo ég gæti borgað þér? Værum við eiginlega ekki bara á nákvæmlega sama stað, nema ég þyrfti að lokum að greiða þér 1.700 íslenskar krónur með vöxtum.
Og hvernig færa menn svona upphæðir á milli landa? Fer sænski fjármálaráðherrann í heimabankann og millifærir nokkuð hundruð milljarða yfir á íslenskan reikning? Kostar ekki nokkrar milljónir í þóknun erlendra seðlabanka fyrir slík millibankaviðskipti? Væri ekki bara betra að einhver færi út og fengi þessa peninga í reiðufé til að losna við slíkt?
Verð bara að fá svör við þessu. Með öllu óþolandi að fjölmiðlar spyrji ekki að svona lykilatriðum.
Ekki slæmt að fá 2.400 í lán og borga bara 1.700 til baka:)
Hehe, nei ég meina nú að maður skuldi enn upphaflegu skuldina. Þannig að þú þarft að borga tilbaka 1.200 + 1.700
Skil bara ekki hvernig lánadrottnar eru eitthvað betur settir með að lána skuldurum fyrir skuldinni…upphaflega skuldin er á sama stað.
Við getum öll alveg verið viss um að skuldirnar okkar hverfa ekkert.
Þú mátt endilega gera meira af því að blogga þessar hugsanir þínar. Það fer eiginlega of lítið fyrir því að fjölmiðlar spyrji spurninga og því er ekki verra að venjulegt fólk… já og þú… geri það.
Reyndar eru það bara 1.700 þar sem þú notar lánið til að borga 1.200-in – en ég skil samt hvað þú ert að fara.
Vil bara að við lögsækjum Bretana líkt og Kani sem hefur brennt sig á kaffibolla, þ.e. hirðum af þeim aleiguna;) og þá komum við út í plús